各位 ReCube 嘅朋友，今日想同大家分享一個非常開心嘅消息！ReCube 啱啱喺「香港環境卓越大獎」(HKAEE)入面，攞到咗中小企界別 – 服務業組別嘅唯一金獎 ！
好多人都覺得環保或者 ESG係大公司先有資源去做嘅事，但作為一間初創，我哋一直想證明：只要有心去做，無論係 SME 還是 Startup，一樣可以發揮影響力，為社會同環境出一分力。 呢個金獎，正正係對呢份信念嘅一種肯定。
呢段日子，多謝大家陪住我哋一齊成長。我哋嘅成績單又更新咗：
活動借出： 為超過70場活動提供重用餐具！
借出數量： 累計已經突破 70,000 件！
回收率： 依然維持喺高於 98%，證明大家真係好錫住我哋啲餐具。真係好想同每一位借過 ReCube 嘅朋友、每一間支持我哋嘅夥伴講聲多謝。冇你哋嘅參與同信任，我哋冇可能將「重用」變成一件咁有型、咁簡單嘅事。
之後我哋會點做？ 攞獎只係一個起點！嚟緊我哋會搵更多合作，將 ReCube 帶到更多社區。
多謝每一位支持我哋嘅夥伴同市民，有你哋嘅參與，ReCube 先至可以行到今日！快啲留言或者 DM 我哋，了解更多租借服務詳情啦！